Ինչպե՞ս ընտրել դպրոցական հագուստ

Ինչպե՞ս ընտրել դպրոցական հագուստ

2021-08-25

Սեպտեմբերի 1 արդեն շատ մոտ է: Եվ բոլոր այն ծնողները, ովքեր ունեն դպրոցահասակ երեխաներ, զբաղված են գեղեցիկ, հարմարավետ և որակյալ դպրոցական հագուստ փնտրելով: 


Ահա դպրոցական հագուստի ընտրության հետ կապված մի քանի խորհուրդներ․

  • Դպրոցական հագուստը պետք է լինի որակյալ: Բարձրորակ դպրոցական հագուստը կարող է պահպանել երեխաների առողջությունը, նպաստել ներդաշնակ կրթական գործընթացին, նվազագույնի հասցնել դպրոցական կոնֆլիկտները և նույնիսկ բարձրացնել երեխաների անվտանգությունը ուսումնական հաստատություններից դուրս: Հաշվի առնելով, որ երեխան օրական 4-6 ժամ անցկացնում է դպրոցական հագուստով (ավագ դասարանցիները`7-8 ժամ), պարզ է դառնում, որ դպրոցական հագուստի որակը պետք է լինի շատ բարձր: Սա վերաբերում է ինչպես հագուստի ձևին, այնպես էլ կտորին, որից կարված է հագուստը:


  • Դպրոցական հագուստ ընտրելիս անպայման ծանոթացեք Ձեր երեխայի դպրոցի պահանջներին: Գույների և ոճի հետ կապված դպրոցները որոշակի «շրջանակներ» են սահմանում։ Նորաձև են համարվում կապույտի, բորդոյի և մուգ կանաչի կլասիկ երանգները, ավելի քիչ ՝ մոխրագույնի կամ շագանակագույնի դասական երանգները: Ելնելով այս ամենից և Ձեր նախասիրություններից, կարող եք ընտրել դպրոցական հագուստ: Մի մոռացեք, ի դեպ, երեխային ներգրավել այս գործընթացում, այս հարցում նրա կարծիքը շատ կարևոր է:


  • Չնայած նրա, որ ուսումնական տարվա ընթացքում երեխան մեծանում է, չափսից մեծ հագուստ երեխայի համար մի գնեք։ Ծայրահեղ դեպքերում, եթե մոդելը լավ է նստում երեխայի վրա, կարելի է, օրինակ, շրջազգեստի փեշը, տաբատը կամ վերնաշապիկի թևերը կարճացնել, հետո երկարացնել։
  • Դպրոցական հագուստի տեսքը պետք է լինի էսթետիկ, գրավող ​​և ոճային: Դպրոցական համազգեստով երեխան չպետք է նման լինի «փոքր մեծի» և անբնական տեսք ունենա: Դպրոցական հագուստը պետք է համատեղի բիզնես ոճի և մանկական (դեռահասների) հագուստի առանձնահատկությունները։


 

  • Դպրոցական հագուստի նյութը չպետք է լինի ամբողջովին սինթետիկ: Լավագույն տարբերակը այն է, որ գործվածքների պոլիեսթեր կամ էլաստան հավելումները կազմեն ոչ ավելի, քան 30%, ինչը դարձնում է հագուստը ավելի դիմացկուն, թույլ է տալիս երկար ժամանակ պահպանել իր տեսքը և հեշտացնել խնամքը: Բայց գործվածքների հիմքը պետք է անպայման լինեն բնական մանրաթելեր` բուրդ, բամբակ կամ վիսկոզա: Նման գործվածքները կոչվում են «շնչող»։ Հիմնական հագուստատեսակները պետք է հիմնված լինեն բնական բուրդի վրա: Սա հատկապես կարևոր է, եթե դուք ապրում եք ցուրտ կլիմայական պայմաններում, բայց աշուն -գարուն տարբերակները կարող են լինել բամբակի կամ վուշի հիման վրա: Բամբակը կամ վիսկզան իդեալական են վերնաշապիկների և շապիկների համար:


Առողջ, հաջողակ և արդյունավետ ուսումնական տարի բոլոր աշակերտներին։