Lalunz-ը հայկական արտադրության մանկական ԲԱՐՁՐՈՐԱԿ հագուստի ապրանքանիշ է: 

Ընկերությունը հիմնադրվել է 2018 թ-ին, սակայն ապրանքանիշը ներկայացվել է շուկայում 2019թ-ի հունիսի 1-ին։ Կարճ ժամանակահատվածում այն սիրվել է շատ-շատերի կողմից, քանի-որ մենք կարողացել ենք ապացուցել, որ  հայկականը կարող է լինել իսկապես բարձրորակ, ոճային և տարբերվող, ի դեպ ոչ միայն մեր հայրենակիցներին, այլ նաև մեր օտարազգի շատ հաճախորդներին։

Մեր արտադրանքը տարբերվում է իր որակով , չկրկնվող, ինքնատիպ դիզայնով, և որ ամենակարևորն է, յուրաքանչյուր հավաքածուի հիմքում հայկականությունն է։ 

Արտադրում ենք հագուստ 0-15 տարեկան երեխաների համար:    

Lalunz անունը բրենդի հիմնադիրների տոհմի անվանումն է, որը Սյունիքի հնագույն տոհմերից է: Որպես բրենդինգի բաղկացուցիչ մաս, ընտրվել է Սյունիքի մարզի մեկ այլ պատմամաշակութային հնավայրի՝ Ուղտասարի և Զորաց քարերի ժայռապատկերները և կարծես երեխաների ձեռքով նորովի նկարված ձևով, ներդրվել է բրենդի պատմության հիմքում և հաջողությամբ կիրառվում է մեր հագուստների դիզայնում, ընդգծելով հագուստի ինքնատիպությունն ու հայկականությունը:

Մեր դիզայներների կողմից ստեղծվել են նաև հայկական լեռնաշխարհի կենդանիների կերպարներ, տալով նրանց հետաքրքիր տեսք և անվանումներ, նրանք արդեն հասցրել են սիրվել մեր փոքրիկ հաճախորդների կողմից: Նրանց մասին պատմող հետաքրքիր հեքիաթներին և պատմվածքներին կարող եք ծանոթանալ մեր կայքում և սոց էջերում:

Արտադրամասը գտնվում է Երևանում, այս պահին գործում են 4 խանութ սրահներ Երևանում: Նախատեսում ենք շատ շուտով մեր արտադրանքը ներկայացնել ԱՄՆ-ում, Եվրոպական և Ռուսական շուկաներում:

Որպես գործունեության զարգացման ուղղություն, արդեն աշխատում ենք կորպորատիվ-B2B սեգմենտում, այսինքն արտադրում ենք հագուստներ հաճախորդի կամ ընկերության կորպորատիվ ոճին, դիզայնին համապատասխան: Արդեն շատ ընկերություններ և անհատ պատվիրատուներ վստահում են իրենց յուրահատուկ դիզայնով մեծաքանակ պատվերները մեր ընկերությանը:

Մեր նպատակն է, որպեսզի Lalunz բրենդը ճանաչելի լինի արտերկրում և ամբողջ աշխարհին ներկայացնենք հայկական արտադրանքը ինքնատիպ և յուրահատուկ դիզայնով։