Էկո պայուսակների առավելությունները

Էկո պայուսակների առավելությունները

2023-04-14

Մարդու գործունեության, հատկապես արտադրական գործունեության պատճառով բնությունը անդառնալի կորուստներ է կրում։ Բնապահպանական խնդիրները ստիպում են մեզ վերանայել մեր կենցաղը և միջոցներ փնտրել բնության հետ ներդաշնակ ապրելու համար։

Ամենամեծ սպառնալիքներից մեկը պլաստիկն է։ 

Տարեկան 4,8-ից 12,7 միլիոն տոննա պլաստիկ է հայտնվում համաշխարհային օվկիանոսում, որի 80%-ը գալիս է ցամաքային և ափամերձ գիծ՝ վնաս հասցնելու բնությանը և մարդու առողջությանը։

Միակ լուծումը պլաստիկ իրերի օտագոծրման նվազեցումն է։ Իսկ դա անելու ամենապարզ ուղիներից մեկը անցում կատարելն է էկո պայուսակների օգտագործմանը։

Էկո պայուսակների օգտագործման առավելությունները․

•      Էկո պայուսակները պատրաստված են էկոլոգիապես մաքուր նյութերից։

•  Էկո պայուսակները նախատեսված են բազմակի օգտագործման համար։ Մեր կողմից օգտագործվող մեկանգամյա օգտագործման պլաստիկ մթերային տոպրակները պատճառ են դառնում միլիոնավոր թռչունների, կրիաների և այլ ծովային կենդանիների մահվան, որոնք ամեն տարի պլաստիկ են ընդունում:

•       Էկո պայուսակները բազմաֆունկցիոնալ են։ Դրանք կարելի է օգտագործել ինչպես մթերային խանութ գնալիս, այնպես էլ որպես պայուսակ, որում կարելի է տեղավորել աշխատանքային պարագաներ, գրքեր, տետրեր, ծովափնյա պարագաներ և այլն։ Էկո պայուսակները, ի տարբերություն պլաստիկ մթերային տոպրակների, ավելի ամուր են, ավելի դիմացկուն և կարող են ավելի շատ իրեր պահել:

Խրախուսելու համար էկո պայուսակների օգտագոծումը, բազմաթիվ արտադրողներ առաջարկում են ոճային էկո պայուսակներ՝ հետաքրքիր և կրեատիվ պրինտերով կամ ասեղնագործությամբ։ Դե իսկ տարբեր կազմակերպություններ էկո պայուսակը արդեն իսկ դարձրել են իրենց կորպորատիվ ոճի մի մասը։