Ինչպես գիտենք, գույնը մարդու հոգեբանության վրա ազդելու հզոր գործիք է: Սա առավել շատ վերաբերվում է  երեխաներին, քանի որ նրանց անհատականությունը ձևավորման փուլում է գտնվում, և նրանք բացահայտում են աշխարհը գույների միջոցով: Այդ իսկ պատճառով, ըստ հոգեբանների, երեխաների համար հագուստ ընտրելիս պետք է հատուկ ուշադրություն դարձնել գույնին, ինչը այն հիմնական գործոնն է, որը ազդում է երեխայի անհատականության զարգացման, բարեկեցության և տրամադրության վրա:

Նորածինները աշխարհը տեսնում են սև և սպիտակ, սակայն ժամանակի ընթացքում նրանց գունային գաման ընդլայնվում է: Շատ ուսումնասիրություններ ապացուցում են, որ երեխաները շատ են սիրում վառ գույները և մինչև 10 տարեկան կարող են անընդհատ փոխել իրենց «սիրած գույնը»: Հաճախ, սիրված գույնը կարող է շատ բան ասել երեխայի բնավորության և նրա ներկայիս վիճակի մասին: Այնպես որ, հագուստ ընտրելիս պետք է լսել երեխայի կարծիքը:

Ահա մի քանի գույների համառոտ նկարագրություն․

• Դեղին գույն - ստեղծագործ անձնավորություն, 

• Մանուշակագույն - տպավորչություն, խոցելիություն, գեղարվեստականություն,

• Կարմիր – գործունյա, առաջնորդի հատկություններով օժտված,

• Կապույտ - հանգստություն, հավասարակշռվածություն, 

• Կանաչ - պրագմատիզմ,

• Վարդագույն - փափկություն, 

• Մոխրագույն - չեզոքություն:

Երեխային ցանկացած առիթի համար անհրաժեշտ է ընտրել կոնկրետ գույնի հագուստ։ Այսպես, օրինակ, տաք երանգները կարող են օգնել բարձրացնել երեխայի ակտիվությունն ու հաղորդակցվելու ունակությունը: Այդ իսկ պատճառով, խաղահրապարակներում խաղերի համար կարելի է ընտրել հենց այս երանգների հագուստը:

Սառը գույները հանգստացնող ազդեցություն ունեն։ Այս գույների հագուստով կարելի է գնալ դասի կամ այն միջացառումներին, որոնք պահանջում են  ուշադրություն և կենտրոնացում։

Կանաչի երանգները առանձնանում են հանգստությամբ և խաղաղությամբ: Երեխային այս երանգների հագուստ հագցնելիս կնկատեք, որ այլ երեխաներ ուշադրություն չեն դարձնում նրա վրա: Իդեպ, եթե ձեր երեխան քնելու հետ կապված դժվարություն ունի, ապա ձեզ այս հարցում կարող է օգնել  կանաչ գիշերազգեստը։Փիրուզագույնը, մեղմ կապույտը նպաստում են շփմանը, առաջացնում են հաճելի ասոցիացիաներ: Այս գույների հագուստ կրող երեխաներին ավելի հեշտ է ընկերներ ձեռք բերել: Այս գույները հատկապես հարմար են աղջիկների համար:

Սև և սպիտակ գույները մեծահասակների համար են: Նրանք վատ են ընկալվում երեխաների կողմից: Սև զգեստով երեխան կարող է ընկճված տեսք ունենալ, վախ առաջացնել: Հաղորդակցման տեսակետից սևը հարմար գույն չէ։ 

Սպիտակը հոգեբանորեն զուրկ է ցանկացած ագրեսիայից, սակայն կարող է ընկալվել որպես «դատարկ» գույն, և երեխան իրեն անպաշտպան կզգա: Սպիտակ հագուստը հիանալի տարբերակ է տոների համար, այն լավ ֆոն է ստեղծում այլ գույների ընկալման համար:

Կապույտ գույնը հանգստացնում է: Այս գույնի հագուստը կարող է օգնել չափազանց ակտիվ երեխային: Բայց եթե երեխան իր բնությով արդեն չափազանց հանգիստ և ոչ մարդամոտ է կապույտը նրան էլ ավելի կճնշի:

 Այսպիսով, ունենալով գույների մասին բավականին տեղեկատվություն, մի մոռացեք հագուստ ընտրելիս  հաշվի առնել ձեր երեխայի անհատական ​​գունային նախասիրությունները: