Ֆիրդուսու «Ռոստամ և Սոհրաբ» պոեմի վերջազարդ, 1934

Ֆիրդուսու «Ռոստամ և Սոհրաբ» պոեմի վերջազարդ, 1934

2025-06-06

Ֆիրդուսու «Ռոստամ և Սոհրաբ» պոեմի վերջազարդ, 1934

Թուղթ, տուշ

Սարյան ընտանիքի հավաքածու


Պարսիկ բանաստեղծ Ֆիրդուսու «Շահնամե» («Արքայապատում») վիպերգությունը համաշխարհային մշակույթի բարձրարժեք կոթողներից է: Շուրջ 60 000 երկտող ոտանավորներից՝ բեյթերից բաղկացած պոեմը բաժանված է հիսուն թագավորությունների, որոնցից յուրաքանչյուրն իր հերթին՝ մի քանի գլուխների: Պատմական, գրական բացառիկ այս էպոսը ամբողջովին կամ առանձին հատվածներով թարգմանվել և հրատարակվել է աշխարհի տարբեր լեզուներով:

Ֆիրդուսու ծննդյան հազարամյա հոբելյանի առթիվ՝ 1934 թվականին, Եղիշե Չարենցի նախաձեռնությամբ լույս է տեսել «Շահնամեի» «Ռոստամ և Սոհրաբ» գլուխը՝ Գևորգ Ասատուրի թարգմանությամբ և Մարտիրոս Սարյանի նկարազարդումներով: Էպոսի գլխավոր հերոսը՝ առասպելական ուժով օժտված Ռոստամը, որը բազում սխրանքներ է գործում, մենամարտի ժամանակ սպանում է Սոհրաբին: Պարզվում է՝ Սոհրաբն իր սեփական որդին էր, որին նա երբեք չէր հանդիպել…