Ի՞նչ է անհրաժեշտ վերցնել ծննդատուն գնալիս մայրիկի և բալիկի համար․ ընդհանուր խորհուրդներ

Ի՞նչ է անհրաժեշտ վերցնել ծննդատուն գնալիս մայրիկի և բալիկի համար․ ընդհանուր խորհուրդներ

2020-12-02

Ծննադատում գնալու համար իրեր դնելիս ապագա ծնողներն առաջնորդվում են ցուցակներով, որոնք անսահմանափակ քանակով ներկայացված են ինտերնետում և մասնագիտացված հրապարակումներում: Եկեք փորձենք հասկանալ, թե ծննդատուն գնալիս ինչ պետք է իր հետ վերցնի ապագա մայրիկը  իր և երեխայի համար:

Ծննդատուն գնալու համար նախատեսված պայուսակը անհրաժեշտ է նախապես պատրաստել և հավաքել: Ավելի լավ է դա անել ակնկալվող ծննդյան ամսաթվից 2-4 շաբաթ առաջ: Քննարկել, թե ինչ է անհրաժեշտ տանել ծննդատուն հարկավոր է առաջին հերթին այն հիվանդանոցի անձնակազմի հետ, որտեղ դուք պատրաստվում եք ծննդաբերել: Յուրաքանչյուր հաստատություն ունի իր կանոնները՝ կապված մորը և երեխային թույլատրվող հագուստի և իրերի հետ: Եվ նաև ծննդատների մեծ մասը ապահովում է մոր և մանկան համար նախատեսված առաջին անհրաժեշտության իրերը:

Ի՞նչ է անհրաժեշտ ծննդատուն գնալիս վերցնել մայրիկի համար

1. կրծքի հատվածում ամրակների առկայությամբ խալաթ և գիշերազգեստ՝ ամեն անգամ կրծքով կերակրելու ժամանակ ավելորդ շարժումներից և ժամանակի զուր վատնումից խուսափելու համար։

2. երկար վերնաշապիկ կամ շապիկ, որը կրելու եք ծննդաբերության ժամանակ:

3. ռետինե հողաթափեր, գուլպաներ, ներքնազգեստ։

4. անհատական ​​խնամքի միջոցների ցանկում ի թիվս այլ պարագաների, պետք է հատուկ ընդգծել կրծքով կերակրելու համար նախատեսված հատուկ պաշտպանիչ բամբակյա բարձիկները:

Ի՞նչ է անհրաժեշտ ծննդատուն գնալիս վերցնել երեխայի համար

1. մի քանի հատ բոդի, կոմբինիզոն, 3-4 զույգ թաթիկներ, 3-4 հատ գլխարկ, 5-6 զույգ գուլպաներ, մի քանի թաշկինակ, շապիկներ և տոտիկներ։

2. մի քանի բարակ և հաստ տակաշորեր: Ծննդատանը նորածին երեխային տակաշորերը անհրաժեշտ են անկախ այն բանից ՝ նախատեսում եք նրան բարուրել թե ոչ:

3. նորածնի համար մի զույգ ծծակ (եթե, իհարկե, ծնողները դեմ չեն դրանց): 

4. լոգանքի սրբիչ 1-2 հատ։

5. դուրս գրման համար նախատեված հագուստի հավաքածու։

6․ սեզոնին համապատսխան ծածկոց։

7. մեկանգամյա օգտագործման տակդիրներ: Նորածինների համար նախատեված մեկանգամյա օգտագործման տակդիրների համապատասխան չափը 3-6 կգ է: 

8. խոնավեցնող մանկական քսուկ: 

9. թաց անձեռոցիկներ, որոնք ալկոհոլ չեն պարունակում և անվտանգ են նորածինների համար:


Մեր կողմից վերևում թվարկվածը առաջարկի բնույթ է կրում։ Հիվանդանոց գնալուց առաջ անպայման խորհրդակցեք ձեր բժշկի հետ, որպեսզի չմոռանաք վերցնել այն, ինչ չափազանց անհրաժեշտ կարող է լինել, կամ վերցնել այն, ինչի կարիքը կարող է և չլինել։