Ինչպե՞ս զբաղեցնել երեխաներին մեկուսացման շրջանում

Ինչպե՞ս զբաղեցնել երեխաներին մեկուսացման շրջանում

2020-04-01

Ինչո՞վ զբաղեցնել երեխաներին մեկուսացման պայմաններում։ Ի՞նչ անել, երբ երեխան ակտիվ է բնույթով և անսպառ էներգիա ունի։ Մենք առանձնացրել ենք մի քանի տարբերակներ, որոնք կօգնեն Ձեզ հետաքրքիր և զվարճալի դարձնել երեխայի ժամանցը։ 

Մեկուսացում․ փորձություն ինչպես Ձեզ, այնպես էլ Ձեր երեխաների համար։ Իհարկե, դժվար է պատկերացնել, թե ինչպես կարելի է երեխայի ժամանցն ապահովել տան 4 պատերի ներսում, հատկապես, երբ երեխան բնույթով ակտիվ է ու իհարկե անսպառ էներգիա ունի:Մենք փորձել ենք մի քանի տարբերակներ առանձնացնել Ձեզ համար, որոնք կապահովեն Ձեր և Ձեր փոքրիկների ուրախ ժամանցը մեկուսացման շրջանում։1․ Տիկնիկային թատրոն հենց Ձեր տանը․Դե՜ պատկերացրեք։ Մի փոքրիկ ծածկոցի ետևում Դուք և Ձեր ընտանիքի անդամները կարող եք բեմադրել ամենահետաքրքիր ու զվարճալի ներկայացումները։ Դրանք կարող են լինել ինչպես բոլորիս հայտնի ստեղծագործությունները, այնպես էլ հենց Ձեր կողմից հորինված փոքրիկ ու զվարճալի պատմություններ։ Ի վերջո, Ձեր երեխաներին Դուք գիտեք բոլորից լավ ու նաև հրաշալի գիտեք, թե ինչը կհետաքրքրի հենց իրեն:2. Փորձեք տոն դարձնել նրանց օրըԲոլոր երեխաները ունեն հենց մի խաղալիք, որին ամենաշատն են սիրում։ Պատկերացրեք, թե որքան կուրախանա Ձեր փոքրիկը, եթե որոշեք ողջ ընտանիքով նշել նրա ամենասիրելի խաղալիքի ծննդյան օրը։ Գունավոր թղթերով ձևավորեք տունը, մի փոքրիկ տորթ պատրաստեք երեխայի հետ միասին, ծննդյան երգ երգեք խաղալիքի համար ու փչեք մոմերը։ Համաձայնեք, որ այդ օրը Ձեր փոքրիկի համար իսկապես անմոռանալի կդառնա:  


3․ Կազմակերպեք նորաձևության ցուցադրություն

Ոչ միայն Դուք, այլ նաև Ձեր փոքրիկներն են կարոտում իրենց սիրելի հագուստները, որոնք ոչ միշտ են կրում։ Պատրաստեք հատուկ լուքեր, միացրեք հատուկ երաժշտություն ու թող որ Ձեր փոքրիկ մոդելը իրեն զգա իսկական պոդիումում։  


4․ Կազմակերպեք քվեսթներ հենց Ձեր տանըՈրևէ «գանձ» թաքցրեք տանը։ Հայտարարեք, որ գանձը գտնողը կդառնա թագավոր կամ թագուհի։ Տան տարբեր անկյուններում թաքցրեք հուշումներ, առաջադրանքներ, կամ հանելուկներ։ Ի դեպ, կարող եք օրինակ հուշում տալ երեխային միայն այն բանից հետո, երբ նա ինքնուրույն կհավաքի իր խաղալիքները, կամ կարգի կբերի իր սենյակը ինքնուրույն: Այնուհետև «գանձը» գտնելուց հետո կազմակերպեք հատուկ թագադրության արարողություն:5. Որևէ պար բեմադրեք, կամ կատարեք զվարճալի, բայց օգտակար ֆիզիկական վարժություններԸնտրեք Ձեր փոքրիկի ամենասիրելի երգը, պարեք ողջ ընտանիքով, կամ մտածեք պարային հետաքրքիր բեմադրություն։ Սա կօգնի Ձեր փոքրիկներին ֆիզիկական ակտիվություն դրսևորել որոշակի չափով։ Ամենօրյա զվարճալի մարզումները ևս շատ օգակար և հետաքրքիր կլինեն։